Naghatag sang bulig ang mga estudyante sang STI West Negros University sa mga biktima sang bagyo Tino sa banwa sang Moises Padila.
Sa interview sang Bombo Radyo kay Donna Marie Alimpolo, Top 4 Outstanding Student Leader of the Philippines, naghatag sila sang relief assistance sa mga pumuluyo sang banwa nga nagakinahanglan sang tubig kag pagkaon.
Suno diri, tuman ang ila kasubo nga makita kag mabatian ang esturya sang mga pumuluyo sang ila naeksperyensyahan.
Tuman ang pagpasalamat sa ila sang mga pumuluyo sang isa ka Sitio nga ila ginsulod bangod ang mga tawo didto mabudlay mahatagan sang bulig bangod sulodlon ang area.
Pahayag ni Alimpolo, halos tanan nga mag residente didto apektado gid sng pagbaha apang sila nagapasalamat nga hilway ang ila pamilya.
Dugang pa sini, may yara sang nagareklamo nga wala sang kuryente apang sa iban naman bisan nawad-an sila sang balay kag mga gamit, nagayuhom sa gihapon bangod kumpleto ang ila pamilya.
