Nagpatigayon sang ground kag air inspection paagi sa pagpalupad sang drone ang katapo sang Department of Environment and Natural Resources (DENR) Negros Island Region, Mines and Geosciences Bureau kag Mt Kanlaon Natural Park sa kabukiran sang Canlaon City sa Negros Oriental kag La Carlota City, Negros Occidental.
Ginpatigayon ang inspection sang November 11 tubtob November 13.
Suno kay DENR-NIR Regional Director Charles Fabre, nakita sang mga ini sa kabukiran sang Canlaon City kag sa pihak sini nga nag-usmod ang duta bangud sa 10-15 earthquakes nga nagikan sa Bulkan Kanlaon.
Suno kay Fabre, ginpahayag man sang Mt Kanlaon Natural Park nga nagdangat sa 400mm ang ulan nga nagbubo sa sulod sang duha tubtob tatlo ka oras sa nasambit nga lugar nga nagtuga sang pagbaha.
Suno kay Fabre, madamo ang tubig-ulan sang naglaslas ang Bagyo Tino gani dako man ang tubig-baha.
May yara man sang nagluntad nga landslide bangud wala na sang dalagko nga mga puno sa bukid kag ang mga tanum ang mga utanon nalang.
Gin-athag man ni Fabre nga wala sang illegal logging sa lugar.
Ginrekomendar sang DENR nga magtanum sang madamo nga puno kag mga kawayan agud nga mapahagan-hagan ang nagluntad nga soil erosion sa nasambit nga lugar.
