-- ADVERTISEMENT --
Aprubado na sang United Nation Security Council ang 20-point plan ni US President Donald Trump para sa Gaza.
Nalakip sa plano ang pagtukod sang isa ka International Stabilisation Force (ISF), kun sa diin suno sa Amerika, madamo ang wala ginpangalanan nga mga pungsod ang nag-offer nga magabulig.
Nagboto sang pabor sa resolution ang 13 ka mga pungsod lakip na ang United Kingdom, France kag Somalia samtang wala naman sang may nagpamatok apang abstain ang Russia kag China.
Apisar sa bahin sang grupo nga Hamas, ginpamatukan sini ang resolution kag ginpahayag nga napaslawan ini nga marespondehan ang kinamatarong kag ginahingyo sang mga Palestinians.
