Magapadayon ang search and retrieval operation sa mga missing persons bangud sa Bagyo Tino ang Isabela Municipal Police Station apisar nga nabuhinan ang ila nga pwersa.
Sa interview sang Bombo Radyo Bacolod kay Police Major Joseph Partidas, hepe sang Isabela Municipal Police Station, naga-coordinate sila sa mga Barangay kag mga pumuluyo bangud kulang na ang ila nga pwersa matapos nga nagpull-out na ang mga volunteers nagikan sa Philippine Coast Guard kag Philippine Army.
Suno kay Partidas ang ila lamang subong nga ginasaligan amo ang kooperasyon sang mga pumuluyo sa mga kapulisan sa padayon nga search and retrieval operation.
Nagapanawagan ang hepe sa mga pumuluyo nga kun may yara sila sang mapanimahuan sa ila nga lugar ang gilayon nga magpahibalo sa mga kapulisan agud nga gilayon nga makadtuan.
Nagpasalig man si Partidas nga ang mga kapulisan sang Isabela Municipal Police Station ang indi mag-untat sa search and retrieval operation agud nga makita ang mga missing persons bangud sa paglaslas ni Bagyo Tino.
