Natalana nga magtambong si Federation Internationale de Football Association (FIFA) President Gianni Infantino sa pagbukas sang 2025 Futsal Women’s World Cup sa Philippine Sports Arena subong nga weekend, suno kay Philippine Football Federation (PFF) President John Gutierrez.
Nakumpleto na ang 15 foreign teams nga makigbahin sa 16-nation tournament, kalakip ang host nga Pilipinas sa Group A kaupod ang Poland, Morocco, kag Argentina.
Maga-umpisa ang torneo sa tunga sang Morocco kag Argentina alas-6:00 kag magasunod ang opening ceremony alas 8:00 sang gab-i.
Masunod nga maga-atubangay ang Pilipinas kag Poland.
Dako ang kumpyansa sang Filipinas matapos ang training camp sa Spain, nga ginapangunahan nanday Jaclyn Sawicki, Katrina Guillou, kag Isabella Flanigan.
Ang top two teams kada grupo ang magasaka sa knockout stage sa Disyembre 1.
