-- ADVERTISEMENT --
Ginmanduan ni acting Philippine National Police (PNP) Chief Lt. Gen. Jose Melencio Nartatez Jr. ang mga pulis nga imbestigahan ang asod-asod nga mga bomb threats sa mga buluthuan.
Sa isa ka statement, ginpahayag sini nga iya ginmanduan ang mga kapulisan sa ground nga mas pasanyugon pa ang ila police presence sa mga buluthuan kag iban nga areas of covergence matapos ang asod-asod nga mga bomb threats sang nagliligad nga mga inadlaw.
Suno sa PNP, pila ka mga buluthuan sa Iloilo kasubong man sa Digos City, Davao del Sur ang nakabaton sang bomb threats sang Lunes.
Ang insidente ang na-eksperyensyahan man sa University of the Philippines Diliman kag Manila campus sang tinalikdan nga semana.
