Natigayon nga marescue ang isa ka lalaki nga nagsaka sa laya nga puno sang kahoy kag nagkabit sa kuryente sa Barangay 27, Bacolod City.
Sa interview sang Bombo Radyo Bacolod kay Police Lt Rafael Palacios, Deputy Station commander sang Bacolod Police Station 4, ang nasambit nga lalaki ang ginapahayag nga may deperensya sa paminsaron ang nagsaka puno kag nagsaylo-saylo sa sanga sang laya nga puno kag iya pa ini ginapang-utod.
Suno kay Palacios ang lalaki ang naglatay pa sa kable nga ginapanag-iyahan sang telecommunication companies kag ginabantayan nga indi na makalab-ot sa mainline sang kuryente.
Suno diri, nagresponde ang katapo sang Bacolod City Fire Station kag gintiming lang nga magapos kag madala sa idalum ang lalaki.
Ang nasambit nga persona ang wala pa sang identity ang ginapahayag nga residente sang Dumaguete ang gindala sa BAYS center sa opisina sang anti mendicancy sang Bacolod City.
