Ginkumpirmar ni Department of Interior and Local Government (DILG) Secretary Juanito Victor ‘Jonvic’ Remulla nga nag-assign na sila sang police tracker teams nga magapatigayon sang manhunt operations batok kay former Ako Bicol Representative Zaldy Co kag 17 ka iban pa matapos nga ginpagwa subong nga adlaw ang mga warrant of arrest batok sa nasambit nga mga indibidwal.
Suno kay Remulla, sa karun ginakadtuan sang nasambit nga mga team ang mga persona nga ginaalegar may partisipasyon sa maanomaliya nga flood control projects sa pungsod.
Suno diri, ginakadtuan ang mga puluy-an kag iban pa nga address sang mga natungdan agud masiguro nga ma-implementar ang mga warrant of arrest.
Samtang, ang mga tracker team ang una na nga gintalana sang Martes kag ginalauman nga anuman nga oras, may matumod na nga indibidwal nga imbolbado sa korapsyon.
