Ginpahayag sang 16 anyos nga estudyante nga naglain kag nadugangan ang nahibaluan sini sa trabaho sang gobyerno matapos nga mangin Little Mayor sang ciudad sang Bacolod.
Sa interview sang Bombo Radyo kay Humphrey Miles Bayot, estudyante sang Sum-ag National High School, madugay na sini nga luyag nga mangin Little Mayor sang ciudad.
Suno diri, nakulbaan pa ini sa dako nga responsibilidad nga iya atubangon apang nalipay man ini matapos mapilian nga mangin Little Mayor.
Pahayag ni Bayot, nangin kaupod sini si Mayor Greg Gasataya kag naga-upod gid ini kun diin man magkadto ang alkalde.
Sa tion naman nga wala ang alkalde, si Bayot ang nagapresent kay Gasataya kaangay na lamang sa opening sang Terra Madre kun sa diin siya ang nag-upod sa ribbon cutting kaupod sanday Bacolod City Lone District Congressman Albee Benitez kag Tourism Secretary Christina Garcia Frasco.
Pahayag sini, naglain kag nagdugang ang iya ihibalo sa gobyerno kun sa diin nakita sini nga tuman ka damo sang mga trabaho sang alkalde kag puno permi ang iya schedule.
Suno kay Bayot, naenjoy gid sini nga mangin Little Mayor sang ciudad sang Bacolod.
