Napatay bangod sa mga pagbaha kag landslide sa Vietnam, nagdangat na sa masobra 90

Nagdangat na sa indi magnubo 90 ka mga persona ang nagkalamatay bangud sa lapnagon nga pagbaha kag landslide sa central Vietnam bangud sa makusog nga pag-ulan.

13 naman ang narekord nga missing suno sa disaster agency sang pungsod.

Sang tinalikdan nga semana, naglapaw sa 1,900 millimeters ang pag-ulan sa pila ka bahin sang central Vietnman.

Halos katunga sang mga nagkalamatay ang nagikan sa probinsya sang Dak Lak kag madamo man ang nadulaan sang kabuhi sa Khanh Hoa.

Ginabanta 8.98 trillion dong ukon kapin P20 billion ang nangin halit sa ekonomiya sang pungsod bangud sa pagbaha.