Ginpahayag sang alkalde sa ciudad sang Bacolod nga ang apat ka oras nga pag-ulan sa ciudad sang Bacolod ang katumbas sang pito kaadlaw nga pag-ulan santo sa report sang Bacolod City Disaster Risk Reduction Management Office (CDRRMO).
Sa interview sang Bombo Radyo Bacolod kay Bacolod City Mayor Greg Gasataya, ang ginbubo nga ulan sa ciudad sang Bacolod kahapon ang nagdangat sa 70.5 mm.
Suno kay Gasataya ang average nga ulan kada adlaw ang yara sa 10mm kada adlaw suno sa DRRMO.
Tingog ni Bacolod City Mayor Greg Gasataya:
Bangud sa kadamulon kag sige sige nga pag-ulan nagresulta ini sang pagbaha.
Nag-awas man ang tubig sa major waterways sa Lupit, Mambuloc, Magsungay, Banago, Mandalagan, kag Villamonte bangud sa kadamuon sang tubig nga nag-ilig nagikan sa mga ciudad kag banwa sang Bacolod kaangay sang Talisay City kag Murcia.
Madasig naman nga nagsubside ang tubig bangud maayo man ang mga drainage system sa ciudad.
Nagdangat na sa kapin 5,000 ka mga indibidwal ang yara sa evacuation center bangod sa baha nga nagluntad sa ciudad sang Bacolod.
Napudulungan naman sang alkalde ang mga residente sang Purok Mars, Barangay Singcang Airport nga naapektuhan sang pagbaha agud nga mahatagan sang food packs kag makita ang mga sitwasyon sini.
Nagpasalig ini sa mga Bacolodnon nga apisar sang naeksperyensyahan nga pagbaha magapadayon ini sa pagserbisyo sa ciudad.
