Balay sang pila ka pumuluyo sa Prk Mars, Brgy Singcang-Airport, atop nalang ang makita kahapon bangod sa madalom nga baha

Ginpahayag sang isa sa mga residente sang Purok Mars, Barangay Singcang Airport Bacolod City nga atop nalang sang iya balay ang makita sang kasagsagan sang pagbaha bangud sa madamol nga pag-ulan dala sang Bagyo Verbena.

Suno kay Jade Sinolan, pasado alas-4:00 ang takna sang kaagahon ang tubig ang nagsaka kag naghunas alas-6:00 ang takna sang aga.

Ginpahayag man sini nga naanad nalang ang mga residente sa lugar sang pagbaha bangud ang ila gina-estaran ang catch basin sa tion nga mag-ulan.

Suno kay Sinolan, kun may yara sang relocation maparelocate nalang ini bangud mabudlay ang ila nga sitwasyon sa tion nga mag-ulan sang todo kag posible nga magabaha.