Residente sa St Anne’s Park Subdivision sa Brgy Mandalagan, ginakonsiderar ang pagsaylo sang puluy-an matapos ang malala nga pagbaha kahapon

Aminado ang mga residente sa St Anne’s Park Subdivision sa Barangay Mandalagan, Bacolod City nga ini ang una nga tion nga naeksperyensyahan sini ang kaangay sang pagbaha kahapon sa kadugayon sang pagpuyo sini sa nasambit nga lugar.

Sa interview sang Bombo Radyo Bacolod kay Hazel Dequilato, wala sini ginlauman ang madasig nga pagsaka sang tubig apang ginpasalamatan lamang sini nga narescue ang mga ido sini.

Suno kay Dequilato, nasubuan man ini nga ginsulod sang tubig baha ang salakyan sang mga ini.

Bangud sa iya nga naeksperyensyahan nga pagbaha kahapon bangud sa pag-ulan dala sang Bagyo Verbena nagapaminsar ini nga masaylo nalang sang gina-estaran.

Suno diri, estoryahon pa sini ang iya bana angot sa iya napaminsaran nga desisyon.