Preparado nga mangin Presidente si Vice President Sara Duterte inkaso nga magpanaog sa pwesto si President Ferdinand Marcos Jr. bangud sa wala untat nga korapsyon nga nagakatabo sa pungsod.
Suno kay VP Sara, indi dapat pag-kwestiyunon ang iya pagka-preparado bangud napresentar sini ang iya kaugalingon sang siya ang nagpadalagan bilang bise-presidente sang pungsod kun sa diin santo sa layi, siya ang nakalinya nga magabulos sa Presidente.
Suno pa diri, may yara ini sang katungdanan nga dapat depensahan kag ipreserbar sa anuman nga pamaagi.
Handa man nga updan ni Duterte si President Marcos nga magpaidalum sa drug test agud mapanas na ang mga akusasyon batok sa iya nga nagagamit ini sang illegal nga druga.
Una na nga ginpahayag ni Palace Communications Undersecretary Claire Castro nga lunsay mga supporters lamang ni Duterte ang nagapanawagan nga magbiya sa pwesto si President Marcos agud sila naman ang magabulos diri.
