Ginpahayag sang Department of Foreign Affairs (DFA) nga preparado ang mga embahada kag consulate sang Pilipinas nga mag-assist kun magdesisyon ang mga suspetsado sa flood control scandal nga magsurrender samtang yara sa luwas sang pungsod.
Suno sa DFA, nakastandby ang mga embahada sa New Zealand kag Jordan, pati na ang Consulate General sa New York, para sa koordinasyon kun magmando ang mga otoridad sa Pilipinas.
Ini matapos ginbalita sang Department of Interior and Local Government nga pila sa mga imbolbado sa ginaalegar kontrobersiya ang yara pa sa luwas sang pungsod, lakip na si former Ako Bicol Rep. Zaldy Co nga ulihi nga nakit-an sa Japan.
Nagapangatubang ini kag 15 ka iban pa sang kaso nga graft kag malversation.
Santo sa report sang DILG kag Philippine National Police, yara sa New Zealand si Aderma Angelie Alcazar sang Sunwest Construction, yara naman sa New York si Sunwest Treasurer Cesar Buenaventura kag yara naman sa Jordan si Montrexis Tamayo ng Department of Public Works and Highways.
