Ginkumpirmar ni Agriculture Secretary Francisco Tiu Laurel Jr. nga nagapreparar ini sang kaso nga cyber libel batok kay former Ako Bicol Rep. Zaldy Co, matapos ang asod-asod nga video posts sang anay kongresista nga nagaangot kay First Lady Liza Araneta-Marcos sa ginaalegar anomaliya sa importasyon kag distribusyon sang mga agricultural products.
Hugot nga ginpanginwala ni Tiu Laurel ang mga akusasyon nga naghilabot ini agud mauntat ang una nga imbestigasyon sang bugas kag sibuyas matapos nga malawagan ang pangalan sang First Lady.Gintawag pa sini si Co nga tuman ka butigon kag ginlaragway ang mga akusasyon nga “fabricated lie” kag “total baloney.”
Madumduman nga nagbiya si Co bilang representative sang Ako Bicol Party-list kag nagpagwa sang mga video kun sa diin iya gin-akusahan ang First Family sang paghilabot sa congressional inquiries natuhoy sa 2022 onion price crisis kag 2024 rice price inquiry.
