Kun sa tawo may ara sang kaso sang dwarfism, may ara man bala ini sa sapat?
Ginkilala sa Guinness World Records ang pinakagamay nga kabayo sa Germany nga may ara lamang sang kataason nga 21.1 inches.
Suno sa nag-adoptar sini sang 2020 nga si Carola Weidemann, ginhingadlan niya ang kabayo nga si “Pumuckel”.
Naverify sang Guinness World Records nga si Pumuckel ang may kataason lamang nga 21.1 inches ukon 1.7 feet, gikan sa iya nga wither.
Kilala man si Pumuckel bilang “trained therapy horse” nga regular nga nagabisita sa madamo nga lugar lakip na sa mga nursing homes, hospices, eskwelahan kag mga pasilidad para sa mga tawo nga may yara sang disabilities.
Dugang pa ni Weidemann nga si Pumuckel ang mapinalanggaon, mahilig maghampang sa mga kabataan kag mahuyugon nga magpakitang-gilas sa madamo nga tawo.
