Ginsuspende sang Amerika ang pagproseso sang tanan nga immigration requests nagikan sa mga Afghans, matapos nga natumod ang isa ka Afghan nga lalaki bilang suspetsado sa pagpangluthang sa duha ka mga National Guards nga suldado malapit sa White House.
Suno sa US Citizenship and Immigration Services, ang desisyon ang ginhimo samtang pending pa ang pagreview sang security kag vetting protocols.
Ang suspetsado sa pagpangluthang sang Miyerkules, nga gintunaan sang pag-angkon sang patal nga pilas sang duha ka mga miyembro sang National Guards, ang ginalantaw nga nag-abot sa Amerika nagikan sa Afghanistan sang Setyembre 2021.
Suno kay US President Donald Trump, ang pagpang-atake ang isa ka “act of terror” kag magahimo ini sang mga tikang agud mapahalin ang mga foreigners nagikan sa maskin ano nga pungsod nga wala nagakadapat sa Amerika.
