Ginabaton sang pamilya Duterte ang nangin desisyon sang Appeals Chamber sang International Criminal Court (ICC) nga pagbasura sa hingyo nga interim release ukon temporaryo nga kahilwayan ni former President Rodrigo Duterte kahapon, Nobyembre 28.
Sa isa ka statement, nagpanindugan ang pamilya Duterte nga ila padayunon ang pagcoordinate sa defense team sang anay Presidente sa iya nga kaso.
Padayon man ang ila suporta sa anay Presidente lakip na ang adlaw-adlaw nga pag-istorya diri.
Ginpasalamatan sang pamilya Duterte ang tanan nga nag-upod sa ila kahapon sa pagpangamuyo para sa anay Presidente.
Samtang, ginarespeto naman sang Malacañang ang nangin desisyon sang ICC.
Suno kay Palace Press Officer Undersecretary Claire Castro, nakahimo na sang desisyon ang ICC kag ini ang ginarespeto sang Malacañang.
