Ginpahayag sang Overseas Filipino Workers sa Hong Kong nga may yara sang reported nga missing nga mga Filipinos sa nagluntad nga pagkasunog sang tatlo ka building sa Tai Po sa nasambit nga pungsod.
Sa interview sang Bombo Radyo Bacolod kay Bombo International News Correspondent Mylene Docto Prado, santo sa latest nga media report nagdangat na sa 128 ang napatay bangud sa nagluntad nga sunog.
Suno kay Prado, kalakip sa mga napatay ang mga Indonesians kag may yara sang mga Filipinos nga reported nga missing.
Dugang pa ni Prado kahapon lang nadeklarar nga fire-out ang sunog apang tuman sagihapon nga kainit ang mabatyagan sa building nga nagdangat pa sa 500 degree farenheit.Suno diri bangud sa kainit amat amat lang ang ginahimo nga retrieval kag ginalantaw nga ang mga missing ang napatay na.
May yara pa sang 200 ka mga missing bangud sa nagluntad nga sunog.
Sa nasambit nga numero may 19 ka mga Filipino nga missing apang wala sa karun sang update sang status sang mga ini bangud ang kumpirmado nga patay duha ka mga Indonesians ang kumpirmado nga nadulaan sang kabuhi.
Madasig man nga maglapta ang kalayo bangud sa mamadlos nga hangin bangud pa winter season na ang Hong Kong.
May yara pa sang reported nga napatay nga firefighter nga kalaslon pa kuntani sa madason nga bulan.
