Nagapati ang abogado nga disbentaha ang taktika nga pagdelay sang proceedings ni former President Rodrigo Duterte sa International Criminal Court (ICC) kun sila ang nagapati nga ini ang inosente.
Sa interview sang Bombo Radyo Bacolod kay Atty Renecito Novero, apisar nga indi ICC member, bilang abogado, ginarespeto sini ang desisyon sang korte sa pagbasura sa interim release request sang anay Presidente.
Dugang pa sini nga unanimous ang desisyon sang lima ka husgado sa ICC Appeals Chamber nga nagasustain sa desisyon sang Pre-Trial Chamber 1.
Madumduman nga si Duterte ang may kaso nga Crimes Against Humanity, 49 ka Criminal Cases lakip ang murder kag nagapati ang ICC nga ini ang yara pa sa idalom sang ila jurisdictional authority
Apang para sa abogado disbentaha kay Duterte ang taktika nga pagdelay sang proceedings bangod ini man ang maga-antos sa pagkapriso
Suno kay Novero, kun nagapati ang akusado nga ini ang inosente, mas nagakadapat nga iduso nila nga mapadasig ang proceedings bangod ang akusado ang may kinamatarong man nga magdemand sang speedy trial.
Pinaagi sini mapamatu-an sang anay Presidente nga siya ang inosente.
Suno diri, nagabatun lamang sang bayad ang abogado, kag kaangay nga siya pa ang nagapapriso sa iya kliyente.
Ginalantaw sang abogado nga hungod nga wala ginpatambong si Duterte sa hearing sang Appeals Chamber bangod ang ila rasun sa pagrequest sang interim release amo ang cognitive defect kag nagahuyang nga health condition sang anay Presidente.
Nagapati si Novero nga indi gid tuman ka lala ang kondisyon ni Duterte kag ini ang mas mapamatud-an kun siya ang nag-atubang sa mga husgado.
Samtang ginalantaw man sini nga political tactics nga kun may matabo kay Duterte samtang yara sa ICC facility, ini ang magamit para pukawon ang balatyagon sang mga supporters.
Apang aminado si Novero nga ang taktika ang nangin epektibo sadto kay Senator Ninoy Aquino bangod kontra sini sa politika si former Presidente Ferdinand Marcos Sr. sa baylo indi man makasumpong ni Vice President Sara Duterte si President Bongbong Marcos sa 2028 election.
