Lauman ang dako nga rollback sa presyo sang diesel kag kerosene sa una nga semana sang Disyembre.
Santo sa apat ka adlaw nga trade monitoring sang Means of Platts Singapore, suno kay Department of Energy Oil Industry Management Bureau Director Rino Abad, lauman nga maganubo sa P3.00 ang kada litro sang diesel kag kerosene samtang P0.30 naman ang pagnubo sa kada litro sang gasolina.
Suno kay Abad ang big-time rollback resulta sang oversupply sa global market kun sa diin mahimo magdangat tubtob sa two million barrels per day ang oil production sa masunod nga tuig.
Suno diri, mas ginpadamo pa sang Organization of the Petroleum Exporting Countries and allies (OPEC+) ang ila oil production sa 500,000 barrels per month humalin sang Hulyo tubtob Setyembre kag 237,000 barrels halin sang Oktubre tubtob Nobyembre.
Bangod sini, plano sang OPEC+ nga indi pagpasobrahan ang increase sa production sa ginalauman nga oversupply sa 2026.
Pahayag sini, mapadayon ang pagnubo sang presyo sang produktong petrolyo kun madayon ang two million barrel daily oil production kag may pagsanyog na sa peace deal sa tunga sang Russia kag Ukraine.
