-- ADVERTISEMENT --
Nagpaandam ang mga organizer sang Trillion Peso March (TPM) nga posible makaangkon sang ikatatlo nga protesta kun indi mapasabat ang dalalagko nga mga isda sa likod sang korapsyon sa flood-control projects.
Suno kay Kiko Aquino Dee, isa sa convenors sang grupo, padayunon ang Part 3 sang Trillion Peso March apisar nga ini ang makapoy para sa mga pumuluyo, kun wala sang matag-as nga opisyal ang makasuhan.
Ini kasunod man sang promisa ni President Ferdinand Marcos Jr. nga ipapriso ang mga imbolbado sa korapsyon antes ang Paskwa.
Sa karun, wala pa sang may gintalana nga petsa para sa ikatatlo nga protesta apang ginpasiguro sang mga organizers nga magapadayon ang mga rally protests kun indi maangkon sang pungsod ang hustisya.
