Aprubado na ang 2026 provincial budget sang Negros Occidental.
Ini ang gin-aprubahan sa session kahapon sang Sangguniang Panlalawigan.
Nahibaluan nga ang proposed budget yara sa P7,680,490,053 kag ini ginalakipan na sang general fund nga P7,323,854,053 kag Economic Enterprise Development Devepartment nga P294,636,000.
Ini mas mataas sa budget sa karun nga tuig sa 17.98 percent kun sa diin nagsaka sa P1,160,950,259.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, tuman ang pagpasalamat sini sa Sangguniang Panlalawigan nga gin-aprubahan na sang mga ini ang 2026 annual budget sang probinsya.
Suno kay Lacson, gina-commend gid sini ang Sangguniang Panlalawigan nga ginapamunuan ni Vice Governor Joben Alonso kag mga SB members bangud dako nga bagay nga umpisahan ang Enero sa madason nga tuig nga may yara na sang bag-o nga budget ang probinsya.
Ginapanawagan man sini sa Sangguniang Panlungsod kasubong man sa Sangguniang Bayan nga aprubahan na ang ila tagsa ka 2026 annual budget agud nga may pondo na ng Local Government Unit sa pag-umpisa sang madason nga tuig.
