Wala na sang missing sa mga Filipino nga naapektuhan sang sunog sa residential complex sa Tai Po, suno sa Philippine Consulate General sa Hong Kong.
Ginkumpirmar sang consulate nga duha ka mga overseas Filipino workers (OFWs) sa verification list ang yara sa Pilipinas sang nagluntad ang sunog sa Wang Fuk Court sang Nobyembre 26.
Suno sa consulate, ang 92 ka mga Filipino ang nalista na sa karun nga safe kag accounted for, samtang isa ang nagapabilin sa ospital kag isa ang kumpirmado nga patay.
Una na nga gin-identify sang consulate ang Filipino fatality nga si Maryan Pascual Esteban, nga una nga ginreport nga missing.
Samtang, nagapabilin naman ang 28-anyos nga si Rhodora Alcaraz sa intensive care matapos nagsuprer sang severe smoke inhalation samtang ginaprotektahan ang tatlo ka bulan nga lapsag sang iya employer.
