Hong Kong, nagtukod sang indepedent committee nga maga-imbestigar sa pagkasunog sang high-rise residential complex nga nagpatay sang 156 ka persona

Nagtukod sang independent committee ang gobyerno sang Hong Kong agud magpanguna sang imbestigasyon sa nagluntad nga sunog sa Wang Fuk Court Complex nga gintunaan sang kamatayon sang 156 ka mga persona.

Suno kay Hong Kong chief executive John Lee, pagapangunahan sang isa ka judge ang independent investigator agud mapasabat ang yara sa likod sang maduguon nga sunong sa Hong Kong.

15 ka mga persona ang gin-aresto kag gina-imbestigahan nga may kaangtanan sa nagluntad nga sunog.

Madumduman nga may yara pa sang 30 ka mga missing nga mga persona bangud sa nagluntad nga lapnagon nga sunog.

Nagpatigayon sang tributes ang mga residente sang Hong Kong sa mga domestic helpers nga napatay kun sa diin siyam ang nagikan sa Indonesia samtang isa sa Pilipinas.