Kadungan sang pag-evolve sang kalibutan madamo naman sang mga ginaubra nga mga tikang nga mas mapahapos ang atun nga pagsinalayo.
Ini kaangay lamang sang pagpatukod sang Norway nga pinakamalaba kag pinakamadalum nga road tunnel.
Ini ang may tinutuyo nga palip-uton ang oras sang pagbiyahe sa tunga sang dalagko nga mga ciudad kag mangin isa ka ferry-free highway sa western coast sini.
Ang 27-kilometer (17-mile) long tunnel ang ginatawag nga Rogfast, ukon ginpalip-ot nga “Rogaland fastforbindelse,” nga pangalan sang rehiyon kun sa diin ini makita.
Ini nga Norwegian word ang nagakahulugan sa English nga “fixed link.”
Ini ang may kadalumon nga 392 meters ukon 1,286 below sea level.
Gin-umpisahan ang construction sang January 2018 apang ginpauntat ini sang 2019 bangud sa gasto nga nangin rason sang cancellation sang existing contract kag pag-restructure sang proyekto.
Ginbalik ang pag-ubra sang nasambit nga tunnel sang 2021 kag ang tunnel ang natalana nga matapos sa 2033, kag ang pondo sa pagpatukod sini ang nagdangat sa 25 billion Norwegian kroner ukon $2.4 billion, katumbas sang masobra P146 billion.
Ang Rogfast ang magabuhin sang travel time sa tunga sang Bergen kag Stavanger — ang ikaduha kag ikaapat nga pinakamadako nga Norwegian cities base sa population.
Ang travel time ang magadangat lamang sang 40 minutes kag mangin mahapos nalang ang pagbiyahe kada adlaw.
