Ginklaro sang Bureau of Jail Management and Penology – Negros Island Region nga ginbalik bilang warden sang Negros Occidental District Jail si Jail Chief Insp. Crisyrel Awe matapos nga mapamatud-an sa imbestigasyon nga wala ini sang sala kasunod sang reklamo sang mga Persons Deprived of Liberty (PDLs) sang Agosto.
Sa interview sang Bombo Radyo Bacolod kay BJMP-NIR Spokesperson Jail Senior Inspector Atty. Juniven Umadhay, may yara na sang ginpagwa nga report ang Commission on Human Rights sang report kasubong man ang Investigation team kag nakita nga wala sang ginlapas nga pagsulundan si Jail Chief Insp. Crisyrel Awe.
Suno kay Umadhay, wala sang nalapas si Awe ilabi na sa pagpatuman sang cashless system bangud madugay na ini nga ginapatuman sa mga jail facilities.
Suno diri, ang katuyuan sa pagpatuman sang kaangay nga pagsulundan ang agud dulaon ang in-equality sa sulod sang prisuhan.
Dugang pa sini kun may yara sang kwarta sa sulod sang jail facility may yara sang in-equality bangud ang influential nga mga PDLs ang may ikasarang sa pagdaog-daog sa mga magagmay nga mga priso.
Suno kay Umadhay ang pagpatuman sang cashless system amo ang para man sa kaayuhan sang tanan kag maestablisyar ang equality sa jail facility.
