370 ka mga pasahero ang nastranded matapos nga kanselahon ang biyahe sang mga barko bangud ginpaidalom sa Signal Number 1 ang probinsya sang Negros Occidental kag ciudad sang Bacolod bangud sa Bagyong Wilma.
Sa interview sang Bombo Radyo Bacolod kay Lt Jr Grade John Hofer Olis, spokesperson sang Coast Guard Northern Negros, ang biyahe sang barko halin sa Pulupandan padulong sa San Carlos City ang suspended bangud sa Bagyong Wilma.
Bangud sini 370 ka mga pasahero ang nastranded sa mga pantalan sa probinsya kag 280 naman ka mga cargoes ang nastranded.
Suno kay Olis, napadulungan naman nila ang mga lugar nga flood prone areas agud nga magbulig para sa preempive evacuation.
Magluwas sini nagpaandam naman ang mga ini sa mga mananagat nga likawan ang pagpalawod bangud may yara sang Bagyo.
Panugyan sini sa tanan nga mag-aligmat kag magpamati sa weather forecast.
