Ginpakigbahin sang singer nga si Jessie J ang experience sini sang ginlapas niya ang royal protocol para nga maghakos kay Princess of Wales Kate Middleton sa Royal Variety Performance sa London, Nov. 19.
Suno kay Jessie J nga ginhakos niya si Kate matapos nga ginpakigbahin ang ila tagsa ka mga inagihan bangud sang balatian nga cancer.
Paathag sang singer, nga nakita niya sa Prinsesa ang isa ka iloy nga hayag man nga nagpakigbato sa nasambit nga balatian kag luyag niya gid ini nga hakson.
Suno sa iya, nga naghakos ini sa gihapon bisan nga ginhambalan na siya antes pa lang nga indi paghimuon.
Dugang pa ni Jessie J, nga ginpamangkot man niya anay si Kate kun pwede niya ini nga hakson, kag ginbaton man ini sang Prinsesa.
Madumduman nga gin-anunsyar ni Kate ang iya pagpakigbato sa cancer sang March 2024 kag ginkumpirmar nga yara na siya sa remission sang January subong nga tuig.
Sang June, ginbuyagyag ni Jessie J nga na-diagnose ini sang early breast cancer.
Nagpaidalom man ini sa breast cancer surgery sang nasambit man nga bulan.
Natalana ang Prinsesa kuntani nga magpaidalom sa isa pa ka operasyon apang na-postpone ini sa iban nga petsa.
