Masobra P600K nga balor sang suspected shabu nakuha sa isa ka high value individual sa ginpatigayon nga drug buy-bust operation nga ginpatigayon sa Purok Cheriza 2, Barangay 27, Bacolod City kaina sang kaagahon, Disyembre 9, 2025.
Ang suspek ang ginkilala kay alias “Ramon,” 51 anyos, lalaki, single, kag residente sang nasambit nga lugar.
Ginpatigayon ang operasyon sang Bacolod Police Station 4 nga ginpangunahan ni Police Lt Anabelle Abalayan, Officer in Charge nga nagresulta sa pagdakop sa High Value Individual kag narecover ang 100 grams sang suspected shabu nga standard drug price nga P680,000.00.
Si alias Ramon ang nagapangatubang sang kaso nga paglapas sa Section 5 (Sale of Dangerous Drugs) and Section 11 (Possession of Dangerous Drugs) of Republic Act 9165, or the Comprehensive Dangerous Drugs Act of 2002.
