Wala na sang mahimo ang tag-iya sang balay nga una nga nasunog sa Barangay 9, Bacolod City kahapon sang hapon, Disyembre 9, 2025.
Sa interview sang Bombo Radyo Bacolod kay Ramil Maligdong, nagaduty ini sa Burgos-Hilado bangud nagatrabaho bilang traffic enforcer sang ginpahibalo sang iya upod nga may sunog sa Barangay 9.
Suno kay Maligdong nga madugay na sila nga nagapuyo sa lugar.
Ginalantaw sini nga sa nakasaksak nga charger bangud wala sang nagabantay bangud naglakat ang mga ini.
Suno diri, kapin walo man sila ang nagapuyo sa balay kag wala sila nasalbar nga gamit bangud naglakat man ang asawa sini nga nagsugat sa iya bata.
Ginpahayag man sini nga ginpahalin naman sila sang tag-iya sang duta.
Suno diri wala naman sila sang may nahimo bangud nagluntad na ang sunog kag ang importante buhi sila.
