Pagselebrar sang Paskwa sa Switzerland, masubo para sa pila ka Pilipino

Simple lamang ang pagselebrar sang paskwa sang mga tawo sa Switzerland kun ikumpara sa Pilipinas.

Sa interview sang Bombo Radyo kay Bombo International News Correspondent Emelisa Lauron Becker, para sa iya medyo boring ang selebrasyon didto indi kaangay sa Pilipinas nga pag-umpisa pa lang sang ber months mabatyagan na ang Christmas spirit.

Suno diri, isa ka semana antes ang paskwa amo na lang nga nagabutang sang Christmas tree ang mga Swiss people.

Suno pa diri, wala man sang noche buena didto kag ang mga pagkaon kalabanan mga utan kag prutas kag ilabi na gid ang cheese kag chocolates nga amo ang kilala didto.

Apang padayon nga ginahimo ni Becker ang mga nakaandan na sini sa Pilipinas kun paano ginaselebrar sang mga Pilipino ang paskwa.