Nag-attempt ang mga barko sang China nga palayason ang Bureau of Fisheries and Aquatic Resources (BFAR) kag Philippine Coast Guard (PCG) vessels nga nagahatag sang bulig sa mga Pilipino nga mangingisda sa Bajo de Masinloc sa West Philippine Sea.
Suno sa report, isa ka Chinese warship ang nag-issue sang radio challenge sa mga Filipino ships sa gina-agawan nga kadagatan.
Ang transmission ang nabaton sang isa ka BFAR aircraft.
Sa regular nga maritime domain awareness flight sang BFAR kag PCG, nakita ang mga barko sang Chinese Coast Guard kag People’s Liberation Army Navy nga ginatabog ang mga sakayan sang Pilipinas.
Apat ka BFAR vessels kag ang BPR Cape San Augustin sang PCG ang yara sa Bajo de Masinloc para sa ila regular nga Kadiwa para sa Bagong Bayaning Mangingisda Program, kun sa diin sila ang nagahatag sang supplies sa mga Pilipino nga mangingisda.
Ang shoal ang yara sa sulod sang exclusive economic zone (EEZ) sang Pilipinas.
Suno kay Commodore Jay Tarriela, PCG spokesperson on West Philippine Sea, namonitor nila ang duha ka destroyer-class ships, isa ka replenishment vessel kag anom ka China Coast Guard vessels.
Suno diri daw kaangay sang David and Goliath ang atabo nga pagkomprontahanay.
Apang apisar nga gamay kag limitado ang ila nga assets, padayon nila nga ginatindugan ang kinamatarong sa West Philippine Sea.
Sa monitoring sang BFAR aircraft, nakita ang mga yellow buoys nga gin-install sang China sa Bajo de Masinloc kag sa palibot sini.
Magapabilin naman ang BFAR vessels malapit sa Bajo de Masinloc agud maghatag sang crude, ice, pagkaon kag iban pa nga supplies sa mga Pilipino nga mangingisda.
Samtang sang damlag lamang, natapos naman ang 9th bilateral Maritime Cooperative Activity sang Pilipinas kag Estados Unidos kun sa diin ang Philippine Navy guided missile frigate BRP Jose Rizal ang nagpartisipar sa surveillance operation upod ang isa ka guided missile destroyer sang US Navy nga USS Rafael Peralta.
Nag-upod man ang Philippine Air Force FA-50 light combat jets upod sa US Navy P-8A Poseidon surveillance aircraft sa pagpatigayon sang maritime patrol.
