Ginalantaw sang Philippine National Police (PNP) ang liwat nga pagbalik sang muzzle tape sa mga pusil sang mga pulis sini nga holiday season.
Madumduman nga ulihi nga ginpatuman ang nasambit nga pagbutang sang selyo sa mga pusil sang kapulisan sang 2023.
Suno kay PNP Spokesperson at Public Information Office (PIO) Chief PBGen. Randulf T. Tuaño, ginsuhestiyun na kay PNP acting Chief Lt. Gen. Jose Melencio Nartatez, Jr., ang paggamit sang muzzle tape sa mga pusil sang mga PNP personnel.
Katuyuan sini nga malikawan ang pagkatintar sa pagpalupok sang armas sa mga katapo sang kapulisan sini nga New Year.
Samtang, mahimo nga magpangatubang sa kaso kriminal kag administratibo ang mga pulis nga mapamatud-an nga nagpalupok kag mahimo man ini nga makakas pa sa serbisyo.
