Alegasyon nga nagpaidalom sa “military-like training” ang mga suspect sa Bondi Beach mass shooting sa Pilipinas, gina-imbestigaran sang US FBI kag Australian Police

Ginapaligban pa sa karun sang mga otoridad kun naggamit sang peke nga travel documents padulong sa Pilipinas ang isa sa mga shooter sa Bondi Beach kun sa diin 15 ang napatay kag kapin 40 ang napilasan.

Ang insidente ang nagluntad sang Domingo, Disyembre 14.

Nahibaluan nga ang mga suspek sa nasambit nga shooting incident amo sanday Sajid Akram, 50 anyos kag ang bata sini nga si Naveed Akram, 24 anyos.

Sa interview sang Bombo Radyo Bacolod kay Denmark Suede, Bombo International News Correspondent direkta sa Australia, ang amay nga suspek ang nahibaluan nga nagpadulong sa Australia sang 1998 sa idalom sang student visa kag sang 2001 na-convert niya ini sa partner visa matapos nga nakapangasawa sang Australian Citizen.

Samtang ang anak nga si Naveed Akram, 24 anyos ang nagtravel gamit ang Australian passport bangud sa Australia na ini natawo.

Suno kay Suede, madamo ang nagabaisay partikular na online tuhoy sa background sang amay.

May nagapahayag nga ang amay ang Pakistani in origin kag ang iban naman ang nagasiling nga ini ang Indian origin.

Nahibaluan naman nga ang Pakistani kag Indian ang naga-inaway.

Sa kumpirmasyon sang Bureau of Immigration sang Pilipinas si Sajid ang nag-travel gamit ang Indian Passport kag si Naveed naman ang gina-alegar may yara sang kapangalan nga yara sa Queensland nga isa ka Pakistani.

Suno kay Suede, wala mahibaluan sa karun kun ang amay ang naggamit sang peke nga travel documents sa pagsulod sa Pilipinas.

Wala pa mahibaluan suno kay Suede karun ang amay ang nagwa sa Australia gamit ang valid Pakistani passport kag sa pagsulod sa Pilipinas naggamit sang peke nga Indian passport.

Dugang pa sini nga antes pa ang shooting incident nakita sa dash cam nga gintinguhaan pa sang mag-asawa nga residente sa lugar nga punggan ang mag-amay matapos nga may nakita nga flag sang ISIS.

Suno diri ang report nga nagpadulong sa Pilipinas ang duha para sa “military like training” ang mga anggulo nga ginalantaw sang US FBI kag Australian police.

Ini bangud ang natabo nga mass shooting ang una nga bes sa sulod sang 29 anyos bangud ang ulihi ang natabo sang 1996 sa Tasmania nga nagresulta sa 30 nga casualties.

Dugang pa ni Suede mabudlay magspeculate nga may training ground sang terrorista sa Pilipinas,apang ang theory nga may yara sang training ground sa Central Mindanao kag Basilan bangud indi man ini totally ma-look out ang lugar bangud ini ang backdoor sang pungsod.

Samtang may mga extremist ukon rebelde nga grupo, nagapabilin man ang tyansa nga may makasulod ang terrorista halin sa Malaysia kag Indonesia.

Ginpahayag man sini nga ang Foreign Affair and Trade sang Australia ang may advisory nga NO GO ang Southern kag Central Mindanao kag kun nagtravel ang isa ka persona nga gamit ang Australian passport nga may insurance kag may natabo diri indi ini pagsabton sang insurance company.