Gin-aprubahan na sang Sangguniang Panlalawigan ang supplemental budget agud nga marelease ang mga incentives sang mga regular, Job Order (JO) kag Contract of Service (COS) workers.
Sa interview kay Negros Occidental Provincial Administrator Atty. Rayfrando Diaz, ginapreparar na ang payroll agud nga marelease ang gratuity pay kag Service Recognition Incentive (SRI).
Suno kay Diaz, ginmanduan na sini ang Information and Communications Technology Division (ICTD) nga buksan ang payroll agud marelease ang nasambit nga incentives sa mga qualified nga empleyado.
Ang gratuity pay nga mabaton ang P7000 apang nakadepende sa kadugayon bilang empleyado kag ang SRI naman ang P20,000.
Ang nasambit nga bonus ang ipasulod naman sa tagsa ATM card sang tagsa ka empleyado gani wala na sang pila.
Ang provincial government ang nagpain sang P60 million para sa Service Recognition Incentive samtang P20 million para sa gratuity pay.
May yara naman sang ginpain nga P5 million para sa Negros Occidental Comprehensive Health Program (NOCHP).
Suno kay Diaz bangud indi covered ang COS kag JOs sa group health insurance ang NOCHP ang padayon nga magahatag sa ila sang year-end health kag executive check-up.
