Ginahulat pa sang alkalde sang ciudad sang Bacolod ang schedule sa meeting kaupod ang Bacolod City Water District kag kun sin-o man ang bag-o nga tag-iya sang primewater agud nga mahibaluan man kun ano ang plano para sa ciudad sang Bacolod.
Sa interview kay Bacolod City Mayor Greg Gasataya,nakahibalo man ang tanan nga ang dapat nga magapadalagan sa water district amo ang BACIWA board of directors kag sila dapat ang mangin look-out sang tanan nga hilikuton sang water distributor nga prime water agud nga makadeliver sang husto kag malimpyo nga tubig sa ciudad.
Suno kay Gasataya nagalaom ini nga kun ano man ang kakulangan sang water concessionaire sang nagliligad dapat nga bag-uhon na ini.
Ini bangud nga mataas ang ekspektasyon sang mga pumuluyo sa performance sini ilabi na ang pagdeliver sang tubig nga 24/7.
Dugang pa sang alkalde nga sa 24/7 nga delivery sang tubig ang dapat maeksperyensyahan sang tanan nga mga pumuluyo sa ciudad sang Bacolod.
Ginpahayag man sang alkalde nga pinakaimportante man ang investment agud nga makahatag sang kapital sa para sa pagimprubar sang serbisyo sang water distributor sa ciudad sang Bacolod.
Kinahanglan nga tutukan sa ciudad sang Bacolod ang estable ang supply sang tubig kag alagyan sang tubig.
Sa karun wala pa nagsignify ang bag-o nga tag-iya sang prime water nga Lucio Co company kun san-o makighinun-anon sa city official.
