Ginpahayag sang kongresista sa ciudad sang Bacolod sa tion nga matapos na ang mga rekisitos kag mag-umpisa na ang bag-o nga management sang PrimeWater sa pagserbisyo sa water district sa Bacolod dapat tutukan ang pag-upgrade sang water pipes.
Nahibaluan nga si Bacolod City Lone District Congressman Alfredo Albee Benitez ang nag-announce nga nga may bag-o na nga nagapanag-iya sa Primewater.
Suno kay Benitez, kinahanglan sang ciudad ang potable water gani dapat upgraded man ang water pipes nga indi na tuktukon kag daan bangud ini ang ginaagyan sang tubig nga ginagamit sang mga konsumedor.
Dugang pa sang kongresista nga magluwas sa bag-o kag improved water pipes dapat may yara sang bastante nga supply sang tubig.
Suno pa diri dapat man nga i-scrutinized sang Primewater ang modernization plan sini sa paghatag sang serbisyo sa mga consumers sa ciudad sang Bacolod.
Suno kay Benitez dapat nga ipresentar sang primewater ang mga plano.
Wala pa nakalab-ot sa 10 percent ukon sa 700 kilometers nga piping system pila pa lang ang naislan kag malayo pa ang lagson sang mga ini.
