Nagapanawagan ang Ilog Municipal Police Station sa mga pumuluyo nga may himata nga wala nakapauli nga makig-angot sa ila.
Ini bangud wala pa sang identity ang isa ka lalaki nga gina-alegar nalapakan sang truck sa Hacienda Bearin, Barangay Manalad, Ilog alas-5:00 kahapon sang kaagahon, December 21, 2025.
Sa interview sang Bombo Radyo Bacolod kay Police Major Randy Babor, hepe sang Ilog Municipal Police Station, may nagtawag nga personnel sang Disaster Risk Reduction Management Office sang banwa nga nagapahibalo nga may yara sang nakita nga bangkay nga posible biktima sang traffic accident.
Suno kay Babor, ginpahayag sang witness nga ang biktima nga isa ka lalaki ang ginapahayag may deperensya sa paminsaron.
Ini bangud ang biktima ang hinali lamang nagadalagan kun may makita nga tawo.
Suno sa hepe mahimo nga kaagahon nagluntad ang aksidente bangud ang lugar ang madulom kag malayo sa intersection.
Ang biktima ang wala pa sang identity apang suno sa witness masami ini nga yara sa lugar nga ginluntaran sang aksidente gani familiar ang nawong sini.
