Liwat nga magaselebrar sang paskwa kag bag-ong tuig sa sulod sang evacuation centers ang nga biktima sang paglupok sang bulkan Kanlaon.
Sa interview sang Bombo Radyo Bacolod kay La Castellana Mayor Añejo Nicor, padayon ang ila monitoring kag preparasyon samtang nagapabilin sa alert level 2 ang status sang bulkan.
Suno diri, sa karun ang banwa wala pa nakabangon halin sa epekto sang bagyo Tino kag para sa iya kaangay nga halos tanan nga kalamidad nagaka-eksperyensyahan sang banwa halin sa paglupok sang bulkan, baha, linog kag iban pa.
Pahayag sini, isa ka tuig na ang naglabay sang naglupok ang bulkan kun sa diin ang mga pumuluyo ginpahalin sa sulod sang danger zone kag iban padayon sa karun nga nagatinir sa evacuation centers.
Suno kay Nicor, ang mga evacuees liwat na naman nga magaselebrar sang paskwa kag bag-ong tuig sa sulod sang evacuation centers tubtob nga wala pa gid nagkalma ang bulkan kag wala pa sila sang masaylohan.
