Lima, patay sa paghugpaas sang helicopter sa Mount Kilimanjaro sa Tanzania, Africa

Patay ang lima ka mga indibidwal matapos ang paghugpaas sang helicopter sa Mount Kilimanjaro sa pungsod sang Tanzania, Africa sang gab-i sang Miyerkules.

Suno sa Tanzania Civil Aviation Authority, ang helicopter ang padulong sa isa ka medical mission sang ini ang naghugpaas malapit sa Barafu Camp.

Ang mga biktima nga sakay diri ang nagalakip sang doktor, tour guide, piloto kag duha ka turista.

Ang Mount Kilimanjaro may kataason nga 6,000 metros sa ibabaw sang dagat kun sa diin ang naatabo nga paghugpaas sang helicopter sa may 4,700 metros.

Nahibaluan nga kada tuig, may yara sang 50,000 ka mga turista ang nagabisita sa Mount Kilimanjaro.