Masami ka bala mag-like ukon mag-heart sa mga picture sang mga babayi sa social media?
Nakahibalo bala kamo nga may ruling sa korte nga kun madakpan ang bana nga naga-like sa posts sang mga babayi sa social media, ini magamit na nga ground para sa divorce.
Suno sa Turkish Court, mahimo magfile sang divorce ang asawa kun ang bana sini naga-like sa mga pictures sang iban nga babayi sa social media.
May babayi sa Kayseri City, Turkey, nga nagfile sang divorce batok sa iya bana sa akusasyon nga ginpakahuy-an siya, malawig nga paggamit sini sang social media, pag-like sa mga pictures sang iban nga babayi kag nagakomento pa sa post.
Nagdemand ang abogado sang babayi para sa financial compensation bangod ginbayolar sang bana ang iya ‘marital duty of loyalty’.
Ginpanginwala naman sang bana ang akusasyon batok sa iya kag nagfile man sang divorce bangod sa pagkaselosa sang iya asawa nga naka-apekto na sa iya reputasyon.
Apang, sa desisyon sang korte, mas dako ang sala sang bana kag ginpabayad ini sang $2,000 bilang compensation.
Suno sa korte, ang online interactions maka-apekto sa emotional insecurity kag makaguba sa pagbalanse sang relasyon.
Dugang pa sang korte, ang pag-like sang lalaki sa pictures sang iban nga babayi makaguba sa pagsalig nga yara sa relasyon.
