Gin-athag ni Department of Public Works and Highways (DPWH) Secretary Vince Dizon nga wala ini nag-authenticate sang ano man nga dokumento nga ginakaptan ni Batangas Representative Leandro Leviste.
Suno kay Dizon, wala niya nakita ang anuman nga dokumento.
Sa isa ka interview, ginpahayag ni Leviste nga dapat i-confirm ni Palace Press Officer Usec Claire Castro kay Dizon ang pagkamatuod sang mga files nga gin-upload niya sa iya social media nga suno sa iya, halin sa DPWH kag kay former DPWH undersecretary Maria Catalina Cabral.
Pahayag niya, nakuha niya ang files sang Septyembre antes pa man napatay si Cabral.
Apang suno kay Dizon, si Leviste ang pwersahan nga nagkuha sang kopya sang files nagikan sa opisina ni Cabral sang Septyembre.
Gin-turn-over na sang DPWH sa Office of the Ombudsman ang computer nga gingamit ni Cabral kag ang mga files sa iya opisina.
