Nagpasalig ang Malacañang nga madugangan ang mga mapriso nga indibiwal nga may kaangtanan sa flood control scandal, sa tunga sang nagapadayon nga imbestigasyon sa nasambit nga kontrobersiya.
Ini ang ginpahayag ni Presidential Communications Office Secretary Dave Gomez samtang ginapasiguro niya nga indi magtakop sa adlaw sang paskwa ang imbestigasyon.
Pahayag niya, ang mag-asawa nga sanday Cezarah “Sarah” kag Pacifico “Curlee” Discaya ang nagsaulog na sang paskwa sa sulod sang prisohan.
Si Sarah ang yara sa Lapu-Lapu City Jail sa Cebu matapos ginserbehan sang arrest warrant sang National Bureau of Investigation (NBI) bangud sang kaso nga corruption kag malversation of funds may kaangtanan sa P96.5-million nga ghost flood control project sa Davao Occidental.
Samtang, si Curlee naman ang yara sa detention facility sang Senado matapos gin-cite in contempt sang Blue Ribbon Committee.
Lima ka bulan matapos nagsugod ang imbestigasyon, nagpasaka na sang kaso ang Ombudsman batok sa mga involved nga personalidad.
