Nakibot kag nahadlok ang mga trabahador sang isa ka hotel sa Changchun, China sang ila nakita ang isa ka kwarto nga gingamit sang isa ka chinese streamer nga madugay nagtinir sa lugar.
Matapos nga magcheck-out ang streamer, nasapwan nila ang bulto-bulto nga mga basura nga naganilapta sa kwarto.
Ang toilet paper nga iya ginagamit ang nakapilit sa pader sang banyo kag halos indi na maagwanta ang baho.
Suno sa management sang hotel, nagakinahanglan sila sang tatlo ka adlaw para malimpyohan ang kwarto kag madamo pa sang kalay-uhon antes nga liwat maka-akomodar sang tenant.
Nag-istar didto ang nasambit nga guest sang duha ka tuig, kag malaka lang ini nga maggwa.
Wala niya ginapasulod ang mga manuglimpyo kag nagapadeliver lamang ini sa masami sang pagkaon pinaagi sa food app.
Santo sa report, ang hotel ang naga-akomodar sang mga eSports players.
Matapos madiskubrehan ang sitwasyon sa sulod sang kwarto, ang hotel ang nagdesisyon nga e-share ang mga litrato sa social media para mapakita sa publiko ang resulta sang pagka-adik sa video games.
Suno sa spokesperson sang hotel, may-ara pa sang unpaid nga 10 ka adlaw nga akomodasyon ang streamer.
