Gindagdagan sang penalidad ang tatlo ka stall sa likod sang Pope John Paul II tower nga nagabaligya sang illegal nga palupok.
Sa interview sang Bombo Radyo Bacolod kay Bacolod City Police Office spokesperson Police Captain Andro Maapni, nagpatigayon sila sang inspection kaupod ang Bureau of Fire Protection, Regional Civil Security Unit kag Bacolod Police Station 1 kun sa diin nakit-an nga may tatlo ka stall nga nagabaligya sang illegal nga palupok kaangay sang kwitis, judas belt kag fountain.
Suno diri, nagdangat sa P1,950 ang total sang tanan nga illegal nga palupok nga ila nakumpiskar.
Suno kay Maapni, ang nakumpiskar amo ang mga locally made kag wala sang marking ukon manufacturer tagging.
Boluntaryo naman nga ginsurender sang mga firecracker vendors ang mga illegal nga ila ginabaligya.
Liwat sini nga ginpaadaman ang mga firecracker vendors nga indi magbaligya sang ginadumilian nga palupok.
