Limitado lamang ang naschedule nga byahe sang barko para bwas, Enero 1, 2026.
Para sa byahe sang fastcraft sa Bacolod – Iloilo kag vice versa, ang Ocean Jet may byahe alas- 8:50 sang aga kag ala- 1:00 sang hapon; ang Weesam Express may byahe alas 12:30 sang udto kag alas- 3:20 sang hapon; samtang ang Montenegro naman wala sang byahe.
Sa Enero 2, 2026, ang Ocean Jet kag Montenegro balik na sa regular trip.
Para sa byahe sang Roro sa Enero 1, ang Tri-Star balik na sa regular trip alas- 9:00 sang aga kasubong man ang Montenegro alas- 2:00 sang kaagahon.
Ang byahe naman sang San Carlos – Toledo port kag vice versa para sa Lite Ferries 1 ang schedule para bwas ala- 1:30 sang kaagahon, alas- 7:30 sang aga kag alas- 3:30 sang hapon; Lite Ferries 2 ang schedule alas- 3:00 sang kaagahon, alas- 9:00 sang aga, kag alas- 6:00 sang gab-i; sa Lite Ferries 17 ang schedule alas- 5:00 sang kaagahon, alas- 7:30 sang aga kag alas- 3:30 sang hapon.
Sa byahe sang Cadiz – Bantayan Port wala sang byahe ang BALT BEP bwas apang balik ini sa regular trip sa Enero 2 alas- 10:00 sang aga.
Sa Escalante – Tabuelan Port may schedule ang Tri-Star sa regular trips nga alas- 6:00 sang aga, alas- 8:30 sang aga, alas- 11:30 sang udto, alas- 3:00 sang hapon, alas- 6:30 sang gab-i, alas- 8:30 sang gab-i kag alas- 11:30 sang gab-i.
Ang EB Aznar may schedule nga ala- 1:00 sang kaagahon, alas- 7:00 sang aga, ala- 1:00 sang hapon, alas- 7:30 sang gab-i.
Ang Seen Sam may schedule nga alas- 4:00 sang kaagahon, alas- 8:00 sang aga, alas- 4:00 sang hapon, kag alas- 12:00 sang kaagahon.
Ang Pulupandan Port – Sibunag Port may schedule ang MB Miguel MVP bwas nga alas- 10:30 sang aga kag alas- 2:30 sang hapon kag ang MB Glorious Margie naman may schedule nga alas- 12:30 sang kaagahon kag alas- 4:30 sang hapon.
Suno kay Lt Junior Grade Richelito Arbis, asst station commander sang Coast Guard Northern Negros Occidental, limitado lamang ang byahe apang indi pa gid man madamo subong nga adlaw ang mga pasahero bangod iban timprano pa nagbyahe papauli sa ila tagsa ka mga lugar.
Suno diri, mas maayo kun mag-online booking para mas madasig ang proseso sang byahe.
