Ginkakas sang China ang 15 ka mga universities sa South Korea gikan sa ila opisyal nga listahan sang mga ginakilala nga mga eskwelahan sa luwas sang ila nga pungsod.
Ini ang mahimo nga makaapekto sa mga Chinese student nga luyag magparehistro sang ila degree sa China.
Gin-update sang Chinese Service Center for Scholarly Exchange (CSCSE) ang ila nga listahan sang Oktubre.
Ang nasambit nga ahensya ang nagamanage sang pagkilala sang mga foreign degree agud gamiton sa China kag nagkuha sang 270 ka mga unibersidad sa bug-os nga kalibutan, lakip ang 15 gikan sa South Korea.
Nalakip sa ginpangkakas sa listahan ang Korea National Open University, Gangneung-Wonju National University, Mokpo National University, kag Chungbuk Provincial University.
Samtang ang kalabanan sini mga magagmay nga regional schools, maapektuhan man ang pila ka mga unibersidad sa pungsod.
Bangud sini, ang mga degree nga ginkuha sa nasambit nga unibersidad ang mahimo nga indi na pagkilalahon sa China para sa trabaho, mga posisyon sa gobyerno, ukon dugang nga pagtuon.
Mahimo man ini makaapekto sa pagdagsa sang mga estudyante nga Chinese sa South Korea.
