House of Representatives, magapatuman na sang paperless system kag magagamit sang blockchain technology subong nga 2026

Magapatuman sang paperless system kag magagamit sang blockchain technology ang House of Representatives umpisa 2026.

Ini ang gin-anunsyar ni House Speaker Faustino “Bojie” Dy III, nga nagpahayag nga ang katuyuan sang tikang nga pabaskugon ang transparency, seguridad, kag integridad sang mga proseso sa Kongreso, kalakip na ang pag-preparar kag pag-proceso sang national budget.

Kung mapatuman, ang Pilipinas ang mangin una nga legislative body sa Asia nga magagamit sang nasambit nga teknolohiya.

Patigayunon ang nasambit nga inisyatibo sa bulig sang Department of Information and Communications Technology.

Suno pa kay Dy, ang amu nga tikang ang kabahin sang lapnagon nga program reforms kag modernization sang Kongreso.